Announcement

SELEBRASAUN ANIVERSÁRIU AMTL BA DALA XXI

20 Sep 2026
Dr. Helio Sarmento Freitas Guterres
News Image

Associação dos Médicos de Timor-Leste (AMTL) realiza selebrasaun aniversário ba dala XXI no simpóziu Nasionál iha Palacio Nobre Lahane, Dili 19 Setembru 2026.

Tema jeral ba selebrasaun ne’e mak : “Establishment of the Timor-Leste Medical Council for Excellence in Quality of Care: Competent Doctors, Ethical Practice, Guarantees for Safe Healthcare”(Establesimentu Konsellu Mediku Timor-Leste ba Kuidadu ho Kualidade Exelente. Mediku Kompetente, Prátika Étika : Garantia ba Kuidadu Saúde ne’ebé seguru).


Sesaun dader hahu ho kanta Inu Nasionál, Marsa AMTL, relatoriu husi komisaun organizadora Dr.Helio Guterres SpPD, diskursu husi Presidente AMTL Dr.Herculano Seixas dos Santos, Esp.Cardiología, Presidente Medical Association of South East Asian Nation (MASEAN) Dr.Hector Santos Jr, Reprezentante OMS iha Timor-Leste Dr.Arvind Mathur no Diskursu Abertura husi Sua Ex.cia Vice Ministro Saúde para Operacionalização dos Hospitais Dr. Flavio Brandão Araújo, MMed (Anest).


Hafoin sesaun abertura, kontinua ho asinatura akordu koperasaun entre AMTL ho Malaysian Medical Association (MMA) no Lansamentu ofisial ba Website AMTL.


Iha Sesaun palestra Dr.João Pedro,MMed (Surgeon) aprezenta prosesu estabelesimentu Konsellu Médiku iha Timor-Leste, dezafius no perspektiva ba futuru no Eis Presidente MMA Dr.Thirunaavavukarasu Rajoo hato’o palestra kona ba: “From Law to Public Trust. Practical Lesson for Establishing the Timor-Leste Medical Council”(Husi lei ba konfiansa públiku. Lisaun prátika ba establesimentu Konsellu Médiku iha Timor-Leste).

Meza redonda modera husi Dra.Danina Coelho, ID iha sesaun ne’e partisipa husi panelista sira : Sua Ex.cia Vice Ministro Saúde Operacionalização Hospitalar Dr.Flavio Brandão Araújo, MMed (Anest) membru Komisaun A parlamento Nasional Sr. Deputado Albino da Silva no Provedor dos Direitos Humanos e Justiça Sr. Virgilio Guterres, sira ida-idak fahe sira nia perspektiva no reafirma komitmentu koletivu hodi haforsa inisiativa Estabelesimentu Konsellu Médiku Timor-Leste.


Iha lokraik kontinua ho palestra husi Chefe Departamento Kontrolu Moras la hada’et Dr.Mateus Romiso no sesaun sientifika poster no aprezentasaun tema oi-oin husi membru AMTL sira relasionadu ho imunizasaun, moras hada’et,moras la hada’et no saúde públika.


Marka prezensa iha atividade ne’e Sua Excia Vice Ministro Operacionalização dos Hospitais ,Eis Ministro Saúde no Eis Vice Ministro Saúde sira, Reprezentane OMS iha Timor-Leste, Eis Presidente Malaysian Medical Association, Embaixador Malaysia iha Timor-Leste, Embaixadora Cuba iha Timor-Leste, Eis representante OMS ba Buthan no Filipina, representane husi SEI, reprezentante husi UNTL no Universidade Católica, Brigada Médica Cubana, Assosiasaun Profisionais sira, Menzies, ETHF, Media, Diresaun Ezekutiva AMTL Nasionál, Diresaun Ezekutiva AMTL Munisipal no Membru AMTL sira hotu.


Atividade ne’e konklui ho fahe sertifikadu ba membru AMTL sira ne’ebé partisipa iha sesaun sientifika no enseramentu ofisial husi Prezidente AMTL Dr.Herculano Seixas dos Santos,Esp.Cardiología.

Agradese ba autoridades, entidades relevantes, oradores, panelistas, membru AMTL sira hotu, mediku sira ne’ebé aprezenta investigasaun sientífika no juri sira hotu ba Ita bo’ot sira nia kolaborasaun no partisipasaun ativa iha eventu ne’e.


Ami nia gratidaun ba entidade sira hotu ne’ebé fo ona apoiu ba realizasaun atividade ne’e : MCI,SEI,SEPC, VMS-2, Menzies,WHO, DMC,ICC,V&S, Times Square, Brigada Médica China no Delta Nova.

“Hamutuk ita hametin liu tan AMTL no kontribui diak liu tan ba dezenvolvimentu seitor saúde iha Timor-Leste.


(red.)

AMTL Official Publication