Diresaun Ezekutiva Nasional AMTL realiza enkontru avaliasaun mensal iha sede AMTL, Quinta feira, 1 Outubro 2026.
Iha enkontru ne’e ekipa avalia implementasaun programa reforsu institusional no Asembleia Munisipal AMTL ne’ebé realiza ona iha munisipiu 7 nune’e mós halo avaliasaun ba selebrasaun aniversário AMTL ba dala XXI no Simpoziu Nasional ne’ebé realiza iha fulan Setembru 2026.
Iha reuniaun ne’e, DEN AMTL halo mós diskusaun no aprovasaun ba programa AMTL trimester IV, 2026 no assuntus diversus relasionadu ho jestaun internal AMTL nian.
Marka prezensa iha enkontru ne’e Prezidente AMTL Dr.Herculano Seixas dos Santos,Esp.Cardiología,Vice Secretario Geral Dr.Frenky Ramiro,MMed Opht, Tesoreira AMTL Dra.Gerina Rosales, Konsellu Juridiku AMTL Dra Danina Coelho,ID, Dr.João Pedro,MMed Surgery, Presidente Komisaun Organizadora Aniversário AMTL Dr. Helio Guteres Sp.PD no membru Diresaun Ezekutiva Nasional AMTL.
red.